Ĉu en ĉiu biblioteko estas Esperantaj libroj?

Mi ne scias, sed, se en via biblioteko ne estas Esperantaj libroj, donu al la bibliotekisto la nomon de la libro, kiun vi deziras legi, kaj, se li povos, li prunte-prenos ĝin de alia biblioteko por vi.

Kiun libron mi deziras legi?

Ĉu vi deziras tre bone lerni la lingvon?

Kompreneble!

Mi rekomendas, ke vi legu unue la libron: 'Esperanta Legolibro'.

Kiu verkis ĝin?

Elio Migliorini. Ĝi estas diketa libro tute en Esperanto.

Ĉu mi komprenos ĝin?

Ankoraŭ ne la tuton! Vi devas lerni ankoraŭ multon!

Bonvolu instrui min!