Ne, se ili estas ne tre okupitaj, ili povas viziti geamikojn, ĉu ne?

Prave! Sed jen kio okazis, kiam Anjo, amikino mia, vizitis tre okupitan amikinon, Manjo.

Manjo:

Saluton, Anjo. Mi estas feliĉa vidi vin.

Anjo:

Saluton, Manjo. Ĉu vi estas okupita?

Manjo:

Jes, sed ne gravas! Envenu. Ĉu vi deziras trinki kafon?

Anjo:

Ne, dankon. Mi ne plu trinkas kafon. Mi trinkas nur teon.

Manjo:

Ho ve! Mi ne havas teon en la domo. Mi devas aĉeti tion hodiaŭ.

Anjo:

Ne gravas. Mi venis ne por trinki, sed por paroli kun vi.

Ili eksidis kaj parolis. Post kelkaj minutoj ili aŭdis bruon en la kuirejo. Manjo ekstaris kaj iris al la kuirejo. Anjo restis en la sid-ĉambro. Manjo revenis.

Anjo:

Kio okazis?

Anjo:

Mi ne fermis la fenestron de la kuirejo.

Anjo:

Ĉu gravas?

Manjo:

Jes, gravas, sed ne tre.

Anjo:

Kio okazis?

Manjo:

Kato envenis kaj ekmanĝis la fiŝon.

Anjo:

Kiun fiŝon?

Manjo:

La fiŝon kiu kuŝis sur la tablo.

Anjo:

Kial fiŝo kuŝis sur la tablo?