Pri Karu kaj Tambu kaj Esperanto

Nek Tambu nek Karu lernas Esperanton en la lernejo. Ili ambaŭ eklernis Esperanton pro  intereso.*
Tambu  ekinteresiĝis pro la bildkartoj, kiujn ricevis la patrino. Li tre ŝatis la bildojn, sed ne povis kompreni la vortojn skribitajn sur ili de la diversaj korespond-geamikoj. Tial li petis klarigon de sia patrino. Ŝi ne nur klarigis, ke ŝiaj geamikoj skribis Esperanton, kiu estas  internacia  lingvo, sed ankaŭ donacis al sia filo  interesan  lernolibron.

Karu ekinteresiĝis pro diskoj, kiujn multfoje aŭskultis ŝia patro. Li  ofte aŭskultis diskojn. Karu tre ŝatas  muzikon, kaj ŝi ŝatas kanti. La  kantoj sur la diskoj de ŝia patro tre  plaĉis al  ŝi. Ŝi tre ŝatis aŭskulti ilin, kaj kanti ilin kun sia patro. Ŝi ne komprenis la vortojn, sed tio ne gravis!

Sur kelkaj diskoj estis ne kantoj sed paroloj. Karu tre ŝatis la sonon de la vortoj parolataj, sed ŝi ne povis kompreni la vortojn, kaj tio tre gravis! Ŝi volis kompreni ilin. Tial ŝi petis klarigon de sia patro. Li ne nur klarigis, ke la vortoj estas Esperantaj vortoj, kaj ke Esperanto estas internacia lingvo, sed li ankaŭ donacis al sia filino Esperantan lernodiskon.