Bonvolu - kion signifas: 'li serĉos ĝis li trovos'?

Pardonon! Ili estas novaj vortoj, ĉu ne? Mi diros denove:

Li rigardos ĉiun libron; li legos la nomojn de la libroj; li rigardos en la libroj por vidi, en kiu lingvo oni verkis la libron, kaj pri kio oni verkis ĝin. Kiam li vidos libron en Esperanto aŭ pri Esperanto, li diros: 'Jen Esperanta libro. Mi serĉis inter la libroj, kaj mi trovis Esperantan libron.' Ĉu vi komprenas, kion signifas 'li serĉos ĝis li trovos'?

Jes, dankon. Mi komprenas la signifon.

Tial, estas nun klara al vi la signifo de 'li serĉos ĝis li trovos'.

Jes, dankon. Estas klara nun la signifo. Vi bone klarigis ĝin al mi!

Tre bone! Vi bone uzas la lingvon.